అల్లు అరవింద్ తనయుడు, టాలీవుడ్ హీరో అల్లు శిరీష్ త్వరలోనే తన జీవితంలో ఒక కొత్త ఆధ్యాయానికి శ్రీకారం చుట్టనున్నాడు. నయనిక అనే అమ్మాయితో కలిసి వైవాహిక బంధంలోకి అడుగు పెట్టనున్నాడు.
చాలా కాలంగా ప్రేమలో ఉన్న వీరు కొన్ని రోజుల క్రితమే పెద్దల సమక్షంలో నిశ్చితార్థం చేసుకున్నారు. ఒకరికొకరు ఉంగరాలు మార్చుకున్నారు.
త్వరలోనే అల్లు శిరీష్- నయనికల వివాహం జరగనుందని తెలుస్తోంది. త్వరలోనే ఈ గ్రాండ్ వెడ్డింగ్ పై ఒక అధికారిక ప్రకటన రానున్నట్లు టాక్.
ఇదిలా ఉంటే పెళ్లి వేడుకకు ముందు హీరో అల్లు శిరీష్, నయనికలు తమ కుటుంబ సభ్యులు, స్నేహితులు, సన్నిహితులకు గ్రాండ్ బ్యాచిలరేట్ పార్టీ ఇచ్చారు.
దుబాయ్ వేదికగా జరిగిన ఈ పార్టీలో ఐకాన్ స్టార్ స్పెషల్ అట్రాక్షన్ గా నిలిచారు. అలాగే అల్లు శిరీష్ కు కాబోయే భార్య నైనిక కూడా మోడ్రన్ దుస్తుల్లో తళుక్కుమంది.
అల్లు శిరీష్- నయనికల బ్యాచిలరేట్ పార్టీకి సంబంధించిన ఫొటోలు ఇప్పుడు సామాజిక మాధ్యమాల్లో బాగా వైరలవుతున్నాయి. వీటిన చూసిన నెటిజన్లు క్రేజీ కామెంట్స్ చేస్తున్నారు.