కామాక్షి భాస్కర్ల.. ఈ ముద్దుగుమ్మ పేరు ఇప్పుడు టాలీవుడ్ లో గట్టిగా వినిపిస్తుంది. ఈ చిన్నది తన అందం, అభినయంతో అవకాశాలు అందుకుంటూ దూసుకుపోతుంది. చైనాలో ఎంబీబీఎస్ చదివి, అపోలో హాస్పిటల్లో కొంతకాలం డాక్టర్గా చేసింది ఆమె, తర్వాత సినిమా రంగంలోకి అడుగుపెట్టింది.
కామాక్షి తన నటనా జీవితాన్ని 2019లో ప్రియురాలు అనే సినిమాతో మొదలు పెట్టింది. అయితే, ఆమెకు నిజమైన గుర్తింపు 2021లో విడుదలైన మా ఊరి పొలిమేర చిత్రంతో వచ్చింది. ఈ హారర్-థ్రిల్లర్ చిత్రంలో ఆమె నటన ప్రేక్షకులను ఆకట్టుకుంది.
ఈ సినిమాలో ఛాలెంజింగ్ రోల్ లో కనిపించి ఆకట్టుకుంది. పొలిమేర 2లో లక్ష్మీ పాత్రలో నటించి మరింత ప్రశంసలు అందుకుంది. ఈ చిత్రంలో ఆమె నటనకు గానూ 2024లో న్యూ ఢిల్లీలో జరిగిన 14వ దాదా సాహెబ్ ఫాల్కే ఫిల్మ్ ఫెస్టివల్లో ఉత్తమ నటి అవార్డును గెలుచుకుంది.
ఇటీవలే 12 ఎ రైల్వే కాలనీ అనే సినిమాతో ప్రేక్షకుల ముందుకు వచ్చింది. ఈ సినిమా ప్రేక్షకులను అంతగా ఆకట్టుకోలేకపోయింది. యావరేజ్ టాక్ ను సొంతం చేసుకుంది. కానీ కామాక్షి నటనకు మంచి మార్కులు పడ్డాయి.
సినిమాలతోనే కాదు సోషల్ మీడియాలోనూ చాలా బిజీగా ఉంటుంది ఈ వయ్యారి భామ. రెగ్యులర్ గా క్రేజీ ఫోటోలను పంచుకుంటూ అభిమానులను అలరిస్తుంది. ఈ బ్యూటీకి సోషల్ మీడియాలో మంచి క్రేజ్ ఉంది.