నటనపై ఆసక్తితో సినీరంగంలోకి పెట్టిన వారు అందరూ రాణించలేరు. కెరీర్ బిగినింగ్ లో పలు సీరియల్స్ లో, చిన్న పాత్రలు చేసి క్రేజ్ తెచ్చుకున్నవారే.. పైన కనిపిస్తున్న అందాల భామ కూడా మొదట్లో సీరియల్స్ లో చిన్న చిన్న పాత్రలు పోషించింది. ఆ తర్వాత సోషల్ మీడియాలో విపరీతమైన క్రేజ్ సొంతం చేసుకుంది.
సీరియల్స్ లో మెప్పించిన ఈ ముద్దుగుమ్మ.. ఇప్పుడు స్టార్ హీరోల సినిమాల్లో స్పెషల్ పాటలతో రచ్చ చేస్తుంది. ఇంతకీ ఈ అమ్మడు ఎవరో గుర్తుపట్టారా.? ఆమె అందానికి ఫిదా కానీ కుర్రాడు ఉండడు అనేది ఖచ్చితంగా చెప్పొచ్చు. ఆమె మరెవరో కాదండి.. బాలీవుడ్ బ్యూటీ మౌనీ రాయ్.
నాగిని సీరియల్ ద్వారా ఓ రేంజ్ క్రేజ్ సొంతం చేసుకుంది.ఈ ఒక్క సీరియల్ ద్వారా ఓవర్ నైట్ స్టార్ అయిన ఈ అమ్మడు.. ఆ తర్వాత సోషల్ మీడియాలో గ్లామర్ ఫోజులతో మతిపోగొట్టేస్తుంది. నిత్యం ఏదోక క్రేజీ ఫోటో షేర్ చేస్తుంది. ప్రస్తుతం మెగాస్టార్ చిరంజీవి సరసన విశ్వంభర చిత్రంలో స్పెషల్ సాంగ్ చేస్తుంది. ఇందులో చిరుతో కలిసి స్టెప్పులేయనుంది.
సినిమా అవకాశాల కోసం ప్రయత్నిస్తున్న రోజుల్లో తాను ఎదుర్కొన్న ఒక చేదు అనుభవాన్ని మౌనీ రాయ్ తాజాగా బయటపెట్టింది. ఓ ఇంటర్వ్యూలో ఆమె మాట్లాడుతూ షాకింగ్ విషయాలను పంచుకున్నారు. నేను 21 ఏళ్ల వయసు నుంచే సినిమా అవకాశాల కోసం ఆఫీసుల చుట్టూ తిరిగాను అని తెలిపింది.
అలాగే ఒక దర్శకుడు అవకాశం ఇస్తానని చెప్పి తన ఆఫీసుకు పిలిపించుకున్నాడు. నేను వెళ్లగానే కథ చెప్పే వంకతో ఒక్కసారిగా నన్ను ముద్దు పెట్టుకున్నాడు. ఆ టైంలో ఎంతో భయపడ్డా.. ఆ సంఘటన చాలా కాలం పాటు నన్ను వెంటాడింది” అని మౌనీ రాయ్ చెప్పుకొచ్చింది.