సినిమా ఇండస్ట్రీలో వారసత్వం లేకుండా అడుగుపెట్టి, కేవలం తన స్వయంకృషితో 'లేడీ సూపర్ స్టార్' అనే అరుదైన గౌరవాన్ని దక్కించుకున్న నటి ఆమె. సాధారణంగా సోషల్ మీడియాలో సెలబ్రిటీలు ఎంత యాక్టివ్ గా ఉంటున్నారో చెప్పక్కర్లేదు. నిత్యం తమ సినిమా అప్డేట్స్ తోపాటు.. క్రేజీ గ్లామరస్ ఫోటోషూట్లతో నెట్టింట రచ్చ చేస్తున్నారు. ముఖ్యంగా హీరోయిన్స్ విషయాలు చెప్పక్కర్లేదు. నెట్టింట హీటెక్కించే గ్లామరస్ ఫోజులతో మెంటలెక్కిస్తున్నారు. తాజాగా ఓ హీరోయిన్ షేర్ చేసిన ఫోటోస్ ఇప్పుడు నెట్టింట వైరలవుతున్నాయి. ఇంతకీ ఆమెను గుర్తుపట్టారా.. ?
ఆమె మరెవరో కాదు హీరోయిన్ నయనతార. కేరళలోని తిరువల్లకు చెందిన ఒక సాధారణ క్రైస్తవ కుటుంబంలో జన్మించిన నయనతార అసలు పేరు డయానా మరియం కురియన్. 1984 నవంబర్ 18న జన్మించిన ఈమె, చదువుకునే రోజుల్లో చార్టర్డ్ అకౌంటెంట్ (CA) కావాలని బలంగా ఆశపడింది. . కానీ, విధి ఆమెను సినీ గ్లామర్ ప్రపంచం వైపు నడిపించింది. మలయాళ చిత్రం 'మనస్సినక్కరే'తో వెండితెరకు పరిచయమైంది ఈ అమ్మడు. ఆ తర్వాత తన పేరును నయనతారగా మార్చుకుంది. 2011 ఆగస్టులో ఆమె అధికారికంగా హిందూ మతాన్ని స్వీకరించింది.
గడిచిన 20 ఏళ్ల సినీ ప్రస్థానంలో నయనతార ఎన్నో ఒడిదుడుకులను, వ్యక్తిగత జీవితంలో మానసిక సంఘర్షణలను ఎదుర్కొంది. అయినప్పటికీ, ప్రతిసారీ మరింత రెట్టింపు ఉత్సాహంతో, ఫీనిక్స్ పక్షిలా పైకి లేచింది. సాధారణంగా సినిమాల్లో హీరోలకే ప్రాధాన్యత ఎక్కువగా ఉంటుంది. కానీ, హీరోలతో సంబంధం లేకుండా, కేవలం తన స్టార్ డమ్, నటనతో ఒక సినిమాను బాక్సాఫీస్ వద్ద ఒంటరిగా గెలిపించగలనని నయనతార నిరూపించింది. అందుకే ఆమెను అభిమానులు 'లేడీ సూపర్ స్టార్' అని పిలుచుకుంటారు. నయనతార రేంజ్, ఆమె సంపాదన ప్రస్తుతం టాలీవుడ్, కోలీవుడ్ స్టార్ హీరోలకు ఏమాత్రం తీసిపోవు.
నివేదికల ప్రకారం, ఆమెకు సుమారు రూ. 223 కోట్లకు పైగా ఆస్తులు ఉన్నాయి. అంతేకాకుండా, సుమారు రూ. 48 కోట్ల విలువైన ఒక సొంత ప్రైవేట్ జెట్ విమానం, ఎనిమిది విలాసవంతమైన లగ్జరీ కార్లు, వివిధ నగరాల్లో 6 విలాసవంతమైన ఇళ్లు ఉన్నాయి. ప్రముఖ అంతర్జాతీయ మ్యాగజైన్ 'వోగ్' (Vogue) కవర్ పేజీపై స్థానం సంపాదించుకున్న అతికొద్ది మంది దక్షిణాది నటీమణులలో ఈమె ఒకరు. మలయాళంలో కెరీర్ ప్రారంభించి, ఆ తర్వాత టాలీవుడ్, కోలీవుడ్లలో రజనీకాంత్, చిరంజీవి, మమ్ముట్టి, మోహన్లాల్, విజయ్, అజిత్, సూర్య వంటి అగ్ర హీరోలందరి సరసన నటించింది.
ఇటీవలే బాలీవుడ్ బాద్షా షారుఖ్ ఖాన్ సరసన 'జవాన్' చిత్రంలో నటించి పాన్ ఇండియా స్థాయిలో గుర్తింపు తెచ్చుకుంది. వ్యక్తిగత జీవిత విషయానికి వస్తే.. దర్శకుడు విఘ్నేష్ శివన్ను ప్రేమించి పెళ్లాడిన నయనతారకు ప్రస్తుతం 'ఉయిర్', 'ఉలగ్' అనే ఇద్దరు ముద్దుల కొడుకులు ఉన్నారు. తండ్రి పుట్టినరోజు సందర్భంగా ఆమె స్వయంగా షేర్ చేసిన ఈ చిన్ననాటి ఫొటో, నయనతార ఎంతటి అద్భుతమైన స్థాయికి చేరిందో చెప్పడానికి ఒక చక్కని నిదర్శనంగా నిలిచింది.