‘రాజన్న’లో కనిపించిన చిన్నారి అనీ అంతకుముందే పలు తెలుగు సినిమాల్లో నటించింది. ‘అనుకోకుండా ఒక రోజు’ చిత్రంతో బాలనటిగా పరిచయమైన ఆమె, ఆ తర్వాత ప్రముఖ హీరోల సినిమాల్లో అవకాశాలు అందుకుంది. చిరంజీవి నటించిన ‘స్టాలిన్’, మహేష్ బాబు ‘అతిథి’, ‘స్వాగతం’, ప్రభాస్ ‘ఏక్ నిరంజన్’ వంటి చిత్రాల్లో నటించి ప్రేక్షకులకు దగ్గరైంది. అంతేకాదు, పలువురు అగ్ర హీరోల సినిమాల్లోనూ బాలనటిగా కనిపించి తనకంటూ ఓ గుర్తింపు తెచ్చుకుంది. చిన్న వయసులోనే నటనతో మెప్పించిన అనీకి నంది అవార్డులు కూడా లభించాయి.