టాలీవుడ్ ఇండస్ట్రీలో అగ్ర కథానాయికగా ఓ వెలుగు వెలిగిన హీరోయిన్ జయ ప్రద. అప్పట్లో సీనియర్ ఎన్టీఆర్, ఏఎన్నార్, శోభన్ బాబు వంటి స్టార్ హీరోలతో స్క్రీన్ షేర్ చేసుకున్నారు. ఒకప్పుడు టాప్ హీరోయిన్ గా తనదైన ముద్ర వేసిన ఆమె.. ఆతర్వాత సహయ నటిగా పలు చిత్రాల్లో నటించింది. కమల్ హాసన్, రజినీకాంత్ వంటి హీరోలతో నటించిన ఆమె.. గతంలో ఓ ఇంటర్వ్యూలో జయ ప్రద మాట్లాడుతూ.. వీరంతా కె. బాలచందర్ స్కూల్ నుండి వచ్చినవారే అని ఆమె గుర్తు చేసుకున్నారు. ఒకే సమయంలో పరిశ్రమలోకి రావడం, ముగ్గురూ ఉన్నత స్థానాలకు చేరుకోవడం విశేషమని పేర్కొన్నారు. అలాగే బాలకృష్ణతో తనకున్న అనుబంధం గురించి మాట్లాడుతూ, ఆయన అంటే తనకు చాలా ఇష్టమని జయప్రద అన్నారు.
ఎక్కువ మంది చదివినవి : Meena : తెలుగు సినిమాల్లో నాకు గుర్తింపు రావడానికి ఆ హీరోనే కారణం.. లేదంటే నేను లేను.. మీనా కామెంట్స్..
బాలయ్య మనసు చాలా మంచిదని, ఏ విషయాన్నైనా మొహమాటం లేకుండా ముక్కుసూటిగా మాట్లాడతారని చెప్పుకొచ్చారు. ముఖ్యంగా ఆయన డైలాగ్ డెలివరీ అమోఘమని, అంత వేగంగా డైలాగులు చెప్పడానికి తనకు చాలా సమయం పడుతుందని అన్నారు. వారిద్దరూ కలిసి నటించిన ‘మహారధి’ సినిమా పెద్ద హిట్ అయిందని, మళ్ళీ అలాంటి పవర్ ఫుల్ పాత్రలు చేయాలని ఉందని తెలిపారు. తన జీవితంలో మర్చిపోలేని ఒక సంఘటనను వివరించారు. ఒకసారి ఆమె రాజమండ్రి నుండి వస్తున్నప్పుడు, భారీ వర్షాల వల్ల రైలు పట్టాలు కొట్టుకుపోయాయి. దాదాపు ప్రమాదం జరగాల్సిన రైలు తృటిలో తప్పించుకుంది. మూడు రోజుల పాటు తిండి, నీరు లేక రైలులోనే చిక్కుకుపోయారు. ఆ సమయంలో తన కుటుంబ సభ్యులు కూడా తనతో ఉన్నారని, బయట వరద నీరు ఎక్కువగా ఉండటం చూసి చాలా భయం వేసిందని ఆమె చెప్పారు.
ఎక్కువ మంది చదివినవి : Raghavendra Rao: 83 ఏళ్ల వయసులో ఇంత ఫిట్గా.. ఆరోగ్యంగా.. రోజూ ఉదయాన్నే తినేది ఇవే.. రాఘవేంద్రరావు..
చివరకు మూడవ రోజు ఒక రైల్వే అధికారి తనకు అన్నం, పప్పు తెచ్చి ఇచ్చారని, ఆ ఆకలి సమయంలో అది అమృతంలా అనిపించిందని గుర్తు చేసుకున్నారు. తన కెరీర్లో ‘అంతులేని కథ’ సినిమా చాలా ప్రత్యేకమైనదని ఆమె పేర్కొన్నారు. ప్రతి కుటుంబంలోని ఆడపిల్ల, తల్లిదండ్రులు కోరుకునే గొప్ప పాత్ర అది. మొదట ఆ పాత్రను చూసి తాను చేయగలనా అని భయపడ్డానని, కానీ బాలచందర్ గారు తన గెటప్ మార్చి, పెద్దరికం వచ్చేలా జాగ్రత్తలు తీసుకున్నారని చెప్పారు. ఆ సినిమాలో తన కుటుంబం కోసం ఒక యువతి చేసే త్యాగం నేటికీ ఎందరికో స్ఫూర్తిదాయకమని, ఆ సినిమా పాటలు వింటే ఇప్పటికీ కళ్ళలో నీళ్లు తిరుగుతాయని ఆమె ఆవేదన వ్యక్తం చేశారు.
ఎక్కువ మంది చదివినవి : Vijay Thalapathy : ఆ ఒక్క సినిమా విడుదల కాకపోయి ఉంటే విజయ్, సంగీత పెళ్లి అయ్యేదే కాదు.. తలపతి కెరీర్ మార్చిన ఏకైక మూవీ..
Jaya Prada
ఎక్కువ మంది చదివినవి : Jaya Prada : నటనకే నటన నేర్పిన మహా నటుడు అతడు.. అలాంటి హీరోను ఎక్కడా చూడలేదు.. హీరోయిన్ జయప్రద..